Sérhæfðar fjárfestingar
Sérhæfðir sjóðir
Sérhæfðir sjóðir eru eingöngu ætlaðir fagfjárfestum, enda er fjárfest í flóknari afurðum, upplýsingagjöf takmörkuð og innlausnarskylda ekki sambærileg við hefðbundna sjóði sem ætlaðir eru almennum fjárfestum. Í lögum eru ekki settar neinar kvaðir um efni fjárfestingarstefnu sérhæfðra sjóða og geta fjárfestingarstefnur slíkra sjóða því verið mjög mismunandi og spannað þannig allt frá einni einstakri fjárfestingu upp í dreifðari eignasöfn. Um sérhæfða sjóði gilda lög nr. 45/2020 um rekstraraðila sérhæfðra sjóða.
ALM Brú – Sérhæfður sjóður
Opinn sérhæfður sjóður sem fjárfestir í óskráðum skuldabréfum og lánasamningum. Tegundir fjárfestinga m.a.: brúarfjármögnun með veði í fasteign og lóðum, rekstrarlán til fyrirtækja og veðskuldabréf með veði í bifreiðum, vélum og tækjum.
ALM Fjármögnun – Sérhæfður sjóður
ALM Fjármögnun ehf. var stofnaður í október 2016 í tengslum við kaup á lánasafni í eigu Hildu (dótturfélags Seðlabanka Íslands). Lánasafnið samanstóð af 220 skuldabréfum að nafnverði um kr. 2,9 milljörðum.
Kjölfesta – sérhæfður sjóður
Kjölfesta slhf. er félag í eigu 14 fagfjárfesta þar af 12 lífeyrissjóða. Tilgangur Kjölfestu er að fjárfesta í stærri og meðalstórum fyrirtækjum á Íslandi og styðja þannig við sókn og framþróun íslensks atvinnulífs. Sjóðurinn hefur lokið
fjárfestingatímabili sínu.
Fjárfestingafélag atvinnulífsins – sérhæfður sjóður
Fjárfestingafélag atvinnulífsins (FA) var stofnað 2015 í samstarfi við lífeyrissjóði. FA er fjármagnað af lífeyrissjóðum en ALM er rekstraraðili félagsins. Tilgangur FA er að fjölga fjármögnunarleiðum fyrirtækja sem teljast lítil og meðalstór.